சென்னை – 10 நவம்பர், 2026 இந்திய ரயில்வே துறை சார்பில், 2026 அக்டோபர் 2 முதல் 31- ம் தேதி வரை தூய்மைப் பணி நடைபெற்றது. சிறப்பு தூய்மை இயக்கம் 6 மூலம், தூய்மைப்பணி, பழைய கழிவுகளை அகற்றுதல், மின் கழிவு மேலாண்மை, கோப்புகள் மேலாண்மை உள்ளிட்டவை வெற்றிகரமாக செயல்படுத்தப்பட்டுள்ளதாக ரயில்வே துறை தெரிவித்துள்ளது. ரயில் நிலையங்கள், ரயில்வே அலுவலகங்கள் என 1 லட்சத்துக்கும் மேற்பட்ட இடங்களில் தூய்மைப்பணி நடைபெற்றது. பழைய கழிவுப்பொருட்கள் விற்பனை மூலம் 628.49 கோடி ரூபாய் வருவாய் கிடைத்துள்ளது. நாடாளுமன்ற உறுப்பினர்கள் பரிந்துரைத்த மனுக்களுக்கு தீர்வு காணப்பட்டது. ரயில்வே ஊழியர்களின் ஒத்துழைப்புடன் இந்த தூய்மைப்பணி சாத்தியமானதாக அதிகாரிகள் தெரிவித்தனர்.
