சென்னை, 19 ஆகஸ்ட் 2026: தென்னிந்தியக் கதைசொல்லல் மீதான தனது ஈடுபாட்டை நெட்ஃப்ளிக்ஸ் (Netflix) மேலும் வலுப்படுத்துகிறது; இதன்படி, இந்த ஆண்டின் மீதமுள்ள காலப்பகுதியில் தமிழ், தெலுங்கு மற்றும் மலையாளத் திரைப்படத் துறைகளில் வாரத்திற்கு சராசரியாக ஒரு புதிய திரைப்படத்தை வெளியிடவுள்ளது. 2026-ஆம் ஆண்டின் முதல் பாதியில் பெற்ற சிறப்பான வெற்றியைத் தொடர்ந்து, பல்வேறு வகைகளிலும் உணர்வுநிலைகளிலும் அமைந்த கதைகள், புகழ்பெற்ற திரைப்படத் தயாரிப்பாளர்கள் மற்றும் மக்கள் விரும்பும் நட்சத்திரங்களை ஒன்றிணைத்து, இத்துறையிலேயே மிகவும் பன்முகத்தன்மை கொண்ட மற்றும் சுவாரஸ்யமான திரைப்பட வரிசையை நாங்கள் தொடர்ந்து விரிவுபடுத்தி வருகிறோம். பொழுதுபோக்கு ரசிகர்களைப் பொறுத்தவரை, நெட்ஃப்ளிக்ஸில் எப்போதும் புதிதாகக் கண்டறியக்கூடிய ஒன்று காத்திருக்கிறது என்பதே இதன் பொருளாகும்.
பெரும் வெற்றிப் படங்கள் முதல் ஆழமான உணர்வுகளை வெளிப்படுத்தும் கதைகள் வரை, 2026-ஆம் ஆண்டின் முதல் பாதியில் நெட்ஃப்ளிக்ஸின் இந்தியத் திரைப்பட வரிசை அனைத்திற்கும் இடமளித்தது. ‘Youth’, ‘With Love’, ‘Blast’ மற்றும் ‘Bharathanatyam 2: Mohiniyattam’ ஆகிய படங்கள் பார்வையாளர்களின் மனதை வெகுவாகக் கவர்ந்தன; இது, ஆழமான தாக்கத்தை ஏற்படுத்தக்கூடிய மற்றும் பரவலாகச் சென்றடையக்கூடிய கதைகளை வழங்குவதில் எங்களுக்கிருக்கும் உறுதிப்பாட்டை அடிக்கோடிட்டுக் காட்டுகிறது. சமீபத்தில், ‘Made in Korea’ திரைப்படம், ஆங்கிலம் அல்லாத உலகளாவிய திரைப்படங்களுக்கான எங்கள் பட்டியலில் முதலிடத்தைப் பிடித்த முதல் தென்னிந்தியத் திரைப்படமாகத் திகழ்ந்தது. மேலும் இப்படம் பிரேசில், மெக்சிகோ, அர்ஜென்டினா, வெனிசுலா முதல் கொரியா, தைவான் மற்றும் தென்னாப்பிரிக்கா வரை 54 நாடுகளில் ‘முதல் 10′ இடங்களுக்குள் இடம்பெற்றது. உலகளாவிய அளவில் கிடைத்த இந்த வரவேற்பைத் தொடர்ந்து, அப்படத்தின் முன்னணி நடிகையான பிரியங்கா மோகன் ‘கொரியா சுற்றுலாத் துறையின் கௌரவத் தூதராக‘ நியமிக்கப்பட்டார். கதைகள் தங்கள் பிறப்பிடத்தைத் தாண்டி வெகுதூரம் பயணித்து அர்த்தமுள்ள கலாச்சாரத் தொடர்புகளை உருவாக்கும் ‘நெட்ஃப்ளிக்ஸ் தாக்கம்‘ (Netflix Effect) என்பதற்கு இது ஒரு சிறந்த சான்றாகும்.
பார்வையாளர்களுக்குப் புதிய கதைகளை வழங்கும் வரிசையில், ஆகஸ்ட் 21 அன்று வெளியாகவுள்ள ‘பியார் பிரேமா கல்யாணம்’ Pyaar Prema Kalyanam திரைப்படம், காதல், திருமணம் மற்றும் திருமணத்திற்குப் பிந்தைய வாழ்க்கை குறித்த கண்ணோட்டத்தையே மாற்றியமைக்கும் வகையில் அமைந்துள்ளது. இந்த ஆண்டிற்கான எங்களின் பிற வெளியீட்டுத் திட்டங்களில், திரையரங்குகளில் பெரும் எதிர்பார்ப்பை ஏற்படுத்தியுள்ள பல சுவாரஸ்யமான திரைப்படங்கள் இடம்பெற்றுள்ளன; இதில் சமீபத்தில் வெளியான ராம் சரணின் ‘பெட்டி’ (Peddi) மற்றும் விரைவில் வெளியாகவுள்ள தனுஷின் ‘OM – Chapter 1: Udhiram’, விஜய் தேவரகொண்டாவின் ‘ரணபாலி’ (Ranabaali), நானியின் ‘பாரடைஸ்’ (Paradise) உள்ளிட்ட படங்கள் அடங்கும்.
நெட்ஃபிலிக்ஸின் தென்னிந்தியப் படைப்புகளின் பட்டியல் விரிவடைந்து வருவதால், உலகளாவிய ரீதியில் அனைவராலும் தொடர்புபடுத்திக்கொள்ளக்கூடிய, தனித்துவமான உள்ளூர்ச் சுவைகளைக் கொண்ட, கலாச்சார ரீதியாக உண்மையான கதைகளை இன்னும் ஆழமாக வழங்குவதில் இந்தத் தளம் கவனம் செலுத்துகிறது.
நெட்ஃபிலிக்ஸ், தென்னிந்திய மொழிகளில் திரைப்படங்கள் மற்றும் தொடர்களின் வழங்கலை விரிவுபடுத்தி வருகிறது; பல்வேறு வடிவங்கள், வகைகள், கருப்பொருள்கள் மற்றும் படைப்புக் குரல்களில் பன்முகத்தன்மை மற்றும் பரிசோதனைகளில் கவனம் செலுத்துகிறது. எங்கள் உறுப்பினர்களுக்குத் திரையரங்குகளில் வெளியான பிளாக்பஸ்டர் படங்களைக் கொண்டு வருவதோடு, இப்பகுதிக்கான எங்களின் ஒரிஜினல்ஸ் படைப்புகளின் பட்டியலையும் விரிவுபடுத்துகிறோம். ஸ்டீபன் மற்றும் தக்ஷகுடு போன்ற திரைப்படங்கள் முதல், தி கேம் (நெட்ஃபிலிக்ஸின் முதல் தமிழ் ஒரிஜினல் தொடர்), சூப்பர் சுப்பு (நெட்ஃபிலிக்ஸின் முதல் தெலுங்கு ஒரிஜினல் தொடர்) மற்றும் லெகசி போன்ற தொடர்கள் வரை, முக்கிய உரிமம் பெற்ற திரைப்படங்களை புதிய ஒரிஜினல்ஸ் படைப்புகளுடன் இணைத்து, எங்களின் வளர்ந்து வரும் பார்வையாளர்களுக்கு அதிகத் தேர்வுகளையும், அவர்கள் விரும்பும் கதைகளையும் வழங்குகிறோம். இது நெட்ஃபிலிக்ஸை பொழுதுபோக்கிற்கான ஒரு முதன்மை இடமாக மாற்றுகிறது.
நெட்ஃப்ளிக்ஸ் இந்தியாவின் உள்ளடக்கப் பிரிவு துணைத் தலைவரான மோனிகா ஷெர்கில் கூறியதாவது: “தென்னிந்தியாவிலிருந்து ஒவ்வொரு வாரமும் ஒரு புதிய படைப்பை பார்வையாளர்களுக்கு வழங்குவது, தமிழ், தெலுங்கு மற்றும் மலையாள மொழிகளில் நெட்ஃப்ளிக்ஸ் கொண்டிருக்கும் நிகழ்ச்சிகளின் ஆழத்தையும் பன்முகத்தன்மையையும் பிரதிபலிக்கிறது. அனுபவம் வாய்ந்த மற்றும் வளர்ந்து வரும் திறமையாளர்களுடன் இணைந்து பணியாற்றுவதன் மூலம், பார்வையாளர்கள் விரும்பும் பல்வேறு வகையான கதைக்களங்களை நாங்கள் அவர்களுக்கு வழங்குகிறோம். நாங்கள் காண்பது மிகவும் குறிப்பிடத்தக்கது: இக்கதைகள் உள்நாட்டில் வெற்றி பெறுவதோடு மட்டுமல்லாமல், உலகம் முழுவதும் சென்றடைகின்றன; இது இப்பகுதியின் கதைசொல்லல் பாணியில் உள்ள நம்பகத்தன்மை, நேர்த்தி மற்றும் தனித்துவத்திற்குச் சான்றாக அமைகிறது.”
‘மைத்ரி மூவி மேக்கர்ஸ்‘ (Mythri Movie Makers) நிறுவனத்தின் இணை நிறுவனர் நவீன் யர்னேனி இது குறித்துக் கூறுகையில், “மிகப்பெரிய பிரம்மாண்டத்துடன் உருவான ‘புஷ்பா 2′ (Pushpa 2) திரைப்படத்துடன்தான் நெட்ஃப்ளிக்ஸ் (Netflix) உடனான எங்கள் கூட்டணி தொடங்கியது; இப்படம் இந்தியா மற்றும் உலகம் முழுவதும் உள்ள ரசிகர்களிடமிருந்து பெரும் வரவேற்பைப் பெற்றது. நெட்ஃப்ளிக்ஸ் போன்ற சிந்தனைமிக்க கூட்டாளிகள் சந்தையில் இருக்கும்போது, படைப்பாற்றலில் புதிய எல்லைகளைத் தொடுவதில் நாங்கள் உற்சாகமாக இருக்கிறோம். ‘புஷ்பா‘ போன்ற பிரம்மாண்டமான வெற்றிப் படங்களை மட்டுமல்லாமல், ‘டூட்‘ (Dude) போன்ற கதைக்கும் கதாபாத்திரங்களுக்கும் முக்கியத்துவம் அளிக்கும் படங்களையும் எங்களால் வழங்க முடிகிறது; இத்தகைய படங்களும் நெட்ஃப்ளிக்ஸில் ரசிகர்களின் உண்மையான அன்பைப் பெற்றுள்ளன. பிரம்மாண்டமான திரைப்படங்களுக்கும், அதே சமயம் உணர்வுபூர்வமான மற்றும் நெருக்கமான கதைகளுக்கும் இடமுள்ளது என்பதை இது நமக்கு உணர்த்துகிறது. நாம் ஏதேனும் ஒரு பாதையை மட்டுமே தேர்ந்தெடுக்க வேண்டியதில்லை — தெலுங்கு ரசிகர்கள் எதிர்பார்க்கும் பிரம்மாண்டமான படங்களைத் தொடர்ந்து உருவாக்குவதோடு, சொல்லப்பட வேண்டிய கதைகளையும் ஆதரிக்கலாம்; ஏனெனில் நெட்ஃப்ளிக்ஸ் மூலம் அத்தகைய கதைகள் உலகை சென்றடையும் என்பதை நாங்கள் அறிவோம்,” என்று குறிப்பிட்டார்.
ஏஜிஎஸ் (AGS) என்டர்டெயின்மென்ட்டின் கிரியேட்டிவ் தயாரிப்பாளர் அர்ச்சனா கல்பாத்தி இவ்வாறு கூறினார்: “ஏஜிஎஸ்–இல், ‘பெரிய உள்ளம் கொண்ட சிறிய படங்கள்‘ (சிறிய பட்ஜெட்டில் உருவானாலும் ஆழமான உணர்வுள்ள படங்கள்) மீதே நாங்கள் எப்போதும் நம்பிக்கை வைத்துள்ளோம். அந்த அணுகுமுறையே தமிழ் சினிமாவில் நீண்ட காலமாக இயங்கி வரும் ஒரு தயாரிப்பு நிறுவனமாக எங்களைத் தக்கவைத்துள்ளது. இதில் மாறிய விஷயம் என்னவென்றால், அந்த நம்பிக்கையை ஆதரிக்க முன்வரும் கூட்டாளிகள் எங்களுக்குக் கிடைத்ததுதான். ‘டிராகன்‘ (Dragon) படம் வெறும் கதையாக மட்டுமே இருந்தபோதே நெட்ஃப்ளிக்ஸ் (Netflix) அதற்கு ஆதரவளித்தது. அப்படம் பாக்ஸ் ஆபிஸில் முதல் ஐந்து இடங்களுக்குள் வரும் வெற்றியைப் பெற்றதுடன், நெட்ஃப்ளிக்ஸில் முற்றிலும் புதிய பார்வையாளர்களையும் சென்றடைந்தது. தமிழ் சினிமாவில் அரிதாகவே காணப்படும், பெண் கதாபாத்திரத்தை மையமாகக் கொண்ட அதிரடித் திரைப்படமான ‘பிளாஸ்ட்‘ (Blast) படத்தை நாங்கள் உருவாக்க விரும்பியபோதும், நெட்ஃப்ளிக்ஸ் அதற்கும் ஆதரவளித்தது. ‘லவ் டுடே‘ (Love Today) படத்தின் விஷயத்தில், ஒரு எளிய இடைவெளியை நாங்கள் கவனித்தோம்: பார்வையாளர்கள் காதல் கலந்த நகைச்சுவைப் படங்களை (romantic comedies) விரும்பினர், ஆனால் மிகச் சிலரே அத்தகைய படங்களை உருவாக்கி வந்தனர். ஏஜிஎஸ்–இல், உள்ளடக்கத்தை மையமாகக் கொண்ட திரைப்படங்கள் மீதும், புதிய நடிகர்கள் மற்றும் தொழில்நுட்பக் கலைஞர்களை அறிமுகப்படுத்தி ஆதரிப்பதற்கான ஒரு தளமாக எங்கள் படங்களைப் பயன்படுத்துவது மீதும் நாங்கள் எப்போதும் நம்பிக்கை கொண்டுள்ளோம். கதை மற்றும் அதன் பின்னணியில் உள்ள திறமையின் மீது நம்பிக்கை வைக்கும் நெட்ஃப்ளிக்ஸ் போன்ற ஒரு கூட்டாளி அமைந்திருப்பது, அந்தப் பணிகளைத் தொடர்ந்து மேற்கொள்ள எங்களுக்கு உதவியுள்ளது. எங்களைப் பொறுத்தவரை, கதைக்கே எப்போதும் முதலிடம். அதே நம்பிக்கையைக் கொண்ட ஒரு கூட்டாளி கிடைத்ததால், எங்களால் பெரிய அளவிலான படைப்பாற்றல் சார்ந்த சவால்களை மேற்கொள்ளவும், புதிய குரல்கள் மற்றும் திறமைகளை ஆதரிக்கவும், அதே சமயம் ஏஜிஎஸ் எப்போதும் உருவாக்க விரும்பும் வகையிலான படங்களைத் தொடர்ந்து தயாரிக்கவும் முடிந்தது.”
நெட்ஃப்ளிக்ஸில் வெளியாகும் தென்னிந்தியக் கதைகள் இந்தியாவின் பார்வையாளர்களிடம் வலுவான வரவேற்பைப் பெறுவதோடு, உலகம் முழுவதும் உள்ள புதிய ரசிகர்களையும் பெருமளவில் சென்றடைகின்றன.
● 2023-ஆம் ஆண்டு முதல், ஒவ்வொரு ஆண்டும் பாக்ஸ் ஆபிஸில் அதிக வசூல் செய்த முதல் 10 தமிழ் மற்றும் தெலுங்குத் திரைப்படங்களில் 50% அல்லது அதற்கும் அதிகமான படங்களை நெட்ஃப்ளிக்ஸ் (Netflix) தனது தளத்தில் வெளியிடுவதற்கான உரிமையைப் பெற்றுள்ளது.
● 2025-ஆம் ஆண்டு முதல், நெட்ஃப்ளிக்ஸின் ‘இந்தியாவில் அதிகம் பார்க்கப்பட்ட முதல் 10 திரைப்படங்கள்‘ (India Top 10 Films) பட்டியலில் ஒவ்வொரு வாரமும் ஏதேனும் ஒரு தென்னிந்தியத் திரைப்படம் இடம்பெற்று வருகிறது.
● உலகளவில், 2025-இல் நெட்ஃப்ளிக்ஸின் ‘ஆங்கிலம் அல்லாத திரைப்படங்களுக்கான உலகளாவிய முதல் 10 படங்கள்‘ (Global Top 10 Non-English Films) பட்டியலில், 52 வாரங்களில் 39 வாரங்கள் தமிழ், தெலுங்கு மற்றும் மலையாளத் திரைப்படங்கள் இடம்பெற்றன; இது 2023-ஆம் ஆண்டுடன் ஒப்பிடுகையில் உலகளாவிய பட்டியலில் அவற்றின் பங்களிப்பு இரண்டு மடங்கிற்கும் அதிகமாக அதிகரித்துள்ளதைக் காட்டுகிறது. ● இத்திரைப்படங்கள்உலகம்முழுவதும்புதியபார்வையாளர்களையும்சென்றடைகின்றன: 2023-இல் 17 நாடுகளிலும், 2024-இல் 26 நாடுகளிலும்முதல் 10 இடங்களைப்பிடித்ததென்னிந்தியத்திரைப்படங்கள், 2025-இல்இந்தியாவுக்குவெளியே 59 நாடுகளில்அந்தப்பட்டியல்களில்இடம்பெற்றன.